• Shpërndaje

Shqipëria forcon embargon ndaj Jugosllavisë. Ky ka qënë një nga vendimet më të fundit të qeverisë shqiptare sipas të cilit do të merren disa masa për zbatimin e embargos së naftës dhe produkteve të saj. Masa do të konsistojë në ndalimin absolut të çdo karburanti, pranë dhe cdo brezi kufitar me Jugosllavinë. Ndërkohë në mbledhjen e sotme të qeverisë janë miratuar dhe disa vendime të rëndësishme.

Kështu së shpejti do të realizohet faza e parë e kredisë italiane për rrjetin e ujit të pijshëm në kryeqytet si dhe do të rifillojë puna e komisionit për kthimin e pronave. Gjithashtu në mbledhjen e sotme të qeverisë është vendosur rritja në masën 10% për pagat e gjyqtarëve dhe ndihmës gjyqtarëve që nga fillimi i muajit Maj.

Po sot kabineti Majko ka organizuar dhe ceremoninë e largimit të Ministrit të Drejtësisë Thimio Kondi dhe emërimin e ri të tij si gjyqtar i Gjykatës së Lartë./tvklan.al

Gazetare: Ornela Bego