Sport futboll, ekipi Tirana në Turqi – (8 Korrik 1999)
Arkiva Lajme – Tv Klan 1999
Është gjetur mundësia që formacioni bazë i sport klub Tiranës të kthehet me avion nga Turqia për në atdhe. Vendosja në një vend që i plotësontë të gjitha kushtet ku kostoja ishte shumë e lartë ka ndikuar në rigjenerimin e shpejt të skuadrës në përgatitjet për turin e paraeleminator të kupës së kampioneve.
Mbrëm sipas bisedës me presidentin e skuadrës Lutfi Nuri, gjendja e skuadrës megjithë largimin e papritur të sulmuesve të saj kryesor ka ardhur duke u përmirësuar. Edhe dëshira e Fortuzit i ndodhur në Tiranë për të dhënë kontributin e tij në këtë situatë nuk realizohet. I nisur në Greqi për të takuar drejtuesit e klubit të tij, ai ka telefonuar që nuk lejohet nga ata për tu aktivizuar në këto ndeshje të kupës.
Sport klub Tirana në Turqi ka zhvilluar tre takime. Ka fituar takimin e parë me ekipin e kategorisë së dytë Bolusport 3-0, ka humbur takimin e dytë dhe ka fituar takimin e tretë me Gazensport 1-0./tvklan.al