Berisha me Ambasadorin Amerikan – (15 Korrik 1999)
Arkiva Lajme – Tv Klan 1999
Lideri demokrat Berisha ka biseduar sot për rreth 200 minuta kokë më kokë me Ambasadorin Amerikan Robert Frowik në selinë e PD. Nga burime brenda selisë blu mësohet se angazhimi amerikan për zbardhjen e çështjes Hajdari ka qenë në qendër të diskutimeve që ka nisur që nga dita e djeshme.
Këto bisedime zhvillohen pikërisht dy ditë para kuvendit të posaçëm të PD, ku do të votohet rikthimi i saj në parlament. Berisha ka deklaruar se ka qenë angazhimi i ambasadorit të ri Amerikan që detyroi atë të thyej bojkotin parlamentar. Ndërkohë nuk dihen shumë hollësi të takimit të sotëm prej 3 orë e gjysmë në PD.
Menjehërë pas kësaj berisha ka mbledhur sekretarët demokratë. Gjithsesi thelbi i këtyre diskutimeve do të qartësohet në kuvendin e posaçëm në varësi të vendimeve që do të marrë Partia Demokratike./tvklan.al
Gazetare – Ornela Bego