Efektet e karantinës, Rama telefonon qytetarët
Ankesat dhe numrat e celularit në ‘shqiperiaqeduam.al’
Edi Rama ia nisi për të dytën ditë telefonatave me qytetarë që numrin e celularit e kishin dërguar bashkë me ankesën tek ‘shqiperiaqeduam.al’.
Hallet që shtohen nga jeta në karantinë janë të ndryshme. Nga ato ekonomike e deri te shqetësime më të vogla, të përditshmërisë.
E vështirë të verifikohet nëse të nesërmen problemet morën zgjidhje. E sigurtë është se në formatin e ri televiziv, të paktën telefonatat u mbylleshin me fjalën e mirë.
Kryeministri Rama: “Do ta zgjidhim patjetër, sot do ta zgjidhim”.
Në kushtet e reja të jetës në karantinë, duket se problemet po shtohen për kryesisht për të moshuarit, ndërsa pamundësia për të punuar dhe ndalimi i qarkullimit e bëjnë më të vështirë ndihmën.
Tv Klan