Spitali i Elbasanit (25 Korrik 1999)
Spitali i Elbasanit tani do të ketë dhe një pistë për ngritjen e uljen e helikopterëve, të cilët do shërbejnë për transportimin e të sëmurëve në drejtim të Italisë ose vendeve të ndryshme. Është Kryqi i Kuq Italian dhe veçanërisht Rajoni i Lombardisë që do bëje të mundur një gjë të tillë.
Veç ndihmave me ushqime, pajisje spitalore, Kryqi i Kuq Italian do të realizojë dhe një specializim të një ekipi mjekësh në Elbasan. Këtë e ka premtuar gjatë një takimi në Prefekturë, numri një i Kryqit të Kuq doktor Andrea Kadeano. Ai i ka premtuar Prefektit të Elbasanit Durim Hushi se së shpejti do t’u dhurohen disa autobusë për lehtësimin e lëvizjes urbane./tvklan.al
Gazetar: Vladimir Lame