Kaos në Turqi pas urdhrit të papritur të qeverisë
Autoritetet turke njoftuan papritur ndalimin e lëvizjes për dy ditë për qytetarët në kuadër të masave të izolimit për të frenuar përhapjen e koronavirusit.
Pak para mesnatës të së premtes (10 Prill), qytetarët u dyndën nëpër dyqane për të blerë produkte ushqimore, duke shkaktuar grumbullime masive.
Ministria e Brendshme e Turqisë njoftoi se pas mesnatës, do të ndalohej qarkullimi dhe dalja e qytetarëve për dy ditë. Sipas mediave, urdhri u njoftua në mënyrë të papritur, duke bërë që njerëzit të turreshin nëpër dyqane.
Fight breaks before the bakery as people lined up to get bread before the clock starts ticking for the curfew in major cities of #Turkey. pic.twitter.com/oGAGKhx44A
— Abdullah Bozkurt (@abdbozkurt) April 11, 2020
Qendrat tregtare, dyqanet ushqimore dhe furrat e bukës u përballën me një fluks të madh të klientëve, pak përpara se të mbylleshin.
Në Stamboll, u krijuan radhë të shumta, sikurse duket edhe në pamjet e publikuara nga mediat dhe në rrjetet sociale. Distancimi social duket qartazi që nuk u respektua.
"Chaos" in #Turkey after the #lockdown announcement!!!!! pic.twitter.com/MAMU3EQmBK
— Info Warrior (@InfoWar77249544) April 10, 2020
Sipas urdhrit të qeverisë, ndalimi i qarkullimit hyri në fuqi në orën 00:01 të mëngjesit të 11 Prillit. Për dy ditë nuk do të lejohet qarkullimi i automjeteve dhe dalja e këmbësorëve në 26 qytete të Turqisë. /tvklan.al
