FRESH eurosocialistët – (11 Shtator 1999)
Arkiva Lajme – Tv Klan 1999
Të ripërtërihen strukturat drejtuese të forumit rinor eurosocialist në qendër dhe në rrethe. Ky ka qenë udhëzimi kryesor i drejtuesve të këtij forumi para të rinjve eurosocialist. Kongresi i 3 i PS do të jetë i rëndësishëm për fatet e vendit ër të shuar pakënaqësitë e elektoratit duke synuar udhëheqje afatgjatë theksoi kryetari i FRESH-it Ilir Meta.
Forumi rinor eurosocialist është i përgjegjshëm për demokratizimin e Partisë Socialiste tha më tej Meta. Në mbledhje ka folur edhe sekretari organizativ Ndre Legisi, i cili ka udhëzuar rekrutimin e të rinjve dhe studentëve nga shkollat e mesme dhe universitetet për tu angazhuar në PS.
Të zhvillojmë një kongres pa sherre këmbnguli Legisi. Sipas tij duke filluar nga dita e nesërme nisin konferencat e partisë socialiste në rrethe nga ku do të zgjidhen edhe delegatët e Kongresit të 3 të PS, Kongres i cili do të zgjedh edhe kryetarin e kësaj partie./tvklan.al
Gazetar – Vladimir Lame