• Shpërndaje

Genc Pollo duhet të shprehet hapur kundër Berishës dhe gabimeve të PD-së nëqoftëse do të konkurojë vërtetësisht për Kryetar, ka deklaruar ish kryetari demokrat Tritan Shehu, duke përmbledhur dhe mendimin e grupit moderator brenda Partisë Demokratike.

Tritan Shehu: Unë realisht nuk po shoh një konkurencë të vërtetë të bazuar në ato koncepte demokratike mbi të cilët bazohet një konkurencë brenda një partie kaq të madhe të gjerë me një … kaq të gjerë siç është Partia Demokratike. Por unë them që lufta duhet të jetë më e gjallë, duhet të jetë më direkte, më konkrete, më analizuese për atë që është bërë në këto dy vitet e kaluara, për gabimet që janë bërë, për të mirat që janë bërë, për përgjegjësitë personale të gjithsekujt, për idetë për të ardhmen, për atë që duhet ndryshuar, për atë që çfarë ofron një kandidat më shumë se tjetri, një analizë mbi statutin, një analize programore, një analizë organizative, një analizë në tërësi mbi ideore për problemet e Partisë Demokratike./tvklan.al

Gazetare: Ornela Bego