Martesa e Ana Oxa dhe Behgjet Pacolli (25 Shtator 1999)
Behgjet Pacolli vë kurorë me Ana Oxa-n. Sot pasdite është zhvilluar ceremonia e martesës në Lugano të Zvicrës mes dy shqiptarëve të njohur Ana Oxa dhe Behgjet Pacolli. Kurorëzimi i tyre është bërë nga Kryetari i Bashkisë së qytetit Xhorxho Gudici, një mik i afërt me Pacollin. Në ftesat e dasmës Ana përdor mbiemrin e të atit shqiptar Hoxha duke bërë mbase realitet endrrën e tij.
Në ceremoninë e tyre kanë qënë të ftuar rreth 80 vetë, familjarë dhe miq të ngushtë larg telekamerave dhe foto aparateve. Çifti është përshëndetur nga një grup folklorik nga Bari dhe një grup shqiptar. Pritja është organizuar në liqenin e Komos. Për Pacollin është martesa e parë ndërsa Ana nga martesa e parë ka një vajzë dhe një djalë./tvklan.al