• Shpërndaje

Arkiva Lajme – Tv Klan 1999

Lufta mes grupeve rivale rikthen frikën në periferi të kryeqytetit. Pas vrasjes së bujshme të Taulant Muçës vëllait të Gaz Muçës janë shtuar hamendjet mbi një hakmarrje gjatë ditëve që vijnë. Gjithçka ka nisur pas një shkëmbimi zjarri dje pasdite në afërsi të rrugës Bardhyl. Atentati është kryer nga katër persona të cilët kanë vrarë me një breshëri të vetme të riun Taulant Muça.

Sipas burimeve policore Muça ndodhej në afërsi të shkollës Çajupi. Në këtë kohë një makinë Audi është afruar dhe një tytë kallashnikovi ka zbrazur breshëri të zgjtura në drejtim të Muçës. Shokët e këtij të fundit të mbrritur disa minuta më pas kanë qëlluar në drejtim të makinës së atentatorëve duke plagosur tre prej tyre. Muça ndërkohë është dërguar me urgjencë në spital por nuk ka mundur të shpëtoj.

Gjatë mbrëmjes së djeshme forcat e policisë të hedhura në aksion arritën të kapin atentatorin i cili është vetëm 24-vjeç. Sot policia konfirmoi se nga tre të plagosurit dy janë në gjendje të rëndë. Hetimet e sapo filluara kanë kostatuar se bëhet fjalë për një krim me motive hakmarrje.

Gaz Muça vëllai i viktimës së djeshme është vrarë në një atentat të ngjashëm 4 vjet më parë në vendin e quajtur Xhamlliku./tvklan.al