Majko, mbledhje me kryetaret e rretheve – (10 Gusht 1999)
Arkiva Lajme – Tv Klan 1999
Pandeli Majko ka mbledhur sot në zyrën e tij kryetarët e Partisë Socialiste në Rrethe. Liderët lokalë kanë kritikuar në këtë takim të zhvendosur nga selia rozë në Kryeministri transparencën e drejtuesve aktual të PS për përgatitjen e Kongresit të jashtëzakonshëm. Kjo bëhet pas mbledhjes së djeshme me pushtetarët lokal në prag të Kongresit ku kryeministri Majko mund të jetë një nga kandidaturat për postin e kryetarit të ri përball kandidaturës së ish-kryetarit Nano.
Ndërsa mbledhja është zhvilluar me dyer të mbyllura sipas burimeve brenda saj liderët lokale kanë qenë të pakënaqur nga mosnjohja e tyre me tezat e raportit të Kongresit. Ato janë botuar në gazeten “Zëri i Popullit” është mbrojtur sekretari i përgjithshëm socialist Majko. Ndërkohë kjo nuk ka mjaftuar për socialistët lokal të cilët do të kenë një vend tepër të konsiderueshëm në përgatitjet e Kongresit.
Aq i rëndësishëm ka qenë konspiracioni i këtij takimi për Majkon saqë nuk është lejuar në mbledhje as gazetari i organit të shtypit të kësaj partie./tvklan.al
Gazetare – Ornela Bego