Klea Huta dhe Elgit Doda zbulojnë gjininë e fëmijës
Elgit Doda dhe Klea Huta janë padyshim një nga çiftet më të dashur të showbizit. Ata para disa kohësh, krejt papritur njoftuan se i kishin thënë po njëri-tjetrit dhe seti fotografik që kishin realizuar u pëlqye së tepërmi.
Nuk vonoi shumë dhe Klea përmes një postimi në Instagram bëri të ditur se është në pritje të ëmbël dhe vazhdimisht poston për fansat foto nga shtatzënia.
Së fundmi, moderatorja ka publikuar një video në kanalin e saj në YouTube, ku ka zbuluar gjininë e bebit.
Në video shfaqen momentet e bukura dhe emocionet që Klea dhe Elgiti janë duke përjetuar, që nga momenti që morën vesh për ardhjen në jetë të fëmijës.
Në video shfaqet edhe momenti kur mësohet gjinia e fëmijës. Çifti çan tollumbacen dhe prej saj dalin letra blu. Fakt ky që konfirmon se fëmija i tyre i parë do të jetë djalë./tvklan.al