Rregullohen rrugët në Jug (11 Nëntor 1999)
Rregullohen disa segmente rrugore në Jug të Shqipërisë. Në Gjirokastër po asfaltohet rruga që lidh qytetin me një zonë industriale. Është bërë shtrimi i kabllove të ndriçimit dhe po vazhdohet me asfaltimin e tij dhe me rregullimin e trotuareve. Fondi i Zhvillimit Shqiptar ka akorduar shumën financiare dhe shumë shpejt gjirokastritët do t’i gëzohen një rruge të re.
Po nga Fondi i Zhvillimit Shqiptar, në Tepelenë po rregullohet dhe asfaltohet shëtitorja e qytetit. Pas punimeve inxhinierike, kanalizimeve e shtrimit të kabllove të ndriçimit, asfaltimi po i jep një tjetër pamje rrugës kryesore. Gjithashtu po ndërtohet dhe trotuari i ri. Rruga e re pritet të përfundojë brenda Nëntorit./tvklan.al
Gazetar: Eduart Frangaj