• Shpërndaje

Kanë dalë të pakënaqur sot pasdite nga stadiumi “Selman Stërmasi” sportdashësit lushnjarë nga takimi i skuadrës së Lushnjes me Dinamon për kategorinë e parë që ka nisur sot. Dinamo ka luajtur më mirë, ka arritur një fitore të vlefshme duke iu larguar fundit të renditjes.

Rezultatin 2-0 ekipi i Dinamos e ka vendosur që në pjesën e parë me të njëjtën autor, Ymerin. Minutat ’36 dhe ’43 pas dy goditjeve të sakta me kokë. Me gjithë përpjekjen e të dyja skuadrave në pjesën e dytë, rezultati nuk ndryshon. Me këtë fitore ekipi i Dinamos ngjitet në kuotën e 9 pikëve ndërsa ekipi i Lushnjes ngjitet në kuotën e 11 pikëve.

Nesër do të luhen takimet e tjera të javës së 8 të kampionatit kombëtar të futbollit. Elbasani-Bylis, Shqiponja -Apolonia, Tirana-Shkumbini, Partizani-Flamurtari , Vllaznia-Tomorri dhe Skënderbeu-Teuta.

Sot pasdite me takimin Studenti-Teuta për meshkuj zhvilluar në sallën sportive “Fahrie Hoti” ka nisur java e katërt e kampionatit kombëtar të volejbollit ku ka fituar ekipi Studenti 3-0 duke regjistruar fitoren e katërt. Nesër do luhen tre takime për femra në Tiranë ku kemi përplasje rivalësh. Ata do të fillojnë me ekipin Dinamo-Lushnja në orën 11:30, Studenti-Teuta në orën 14:30 dhe Partizani-Tirana në orën 16:00.

Nesër luhen takimet për javën e 7-të të kampionatit të basketbollit për meshkuj e femra. Për meshkujt takimi më i rëndësishëm është ai që do të luhet në Shkodër, ku do të luajnë Vllaznia-Studenti. Në Tiranë do të luajnë dy rivalet e njohura Tirana-Partizani, Dinamo do të luajë pa titullarët e saj të dënuar nga Federata Shqiptare e Basketbollit. Për femra do të takohen në Tiranë, Tirana-Partizani në orën 10:00, Skënderbeu-Studenti dhe Elbasani-Flamurtari./tvklan.al