Sport, Kmpionati i Futbollit – (21 Maj 2000)
Arkiva Lajme – Tv Klan 2000
Minutat e fundit kanë përmbysur rezultatet e tre takimeve më të rëndësishme dhe përcaktuese për kreun e fundin e renditjes një javë para kampionatit. Kampionët e Tiranës, kanë humbur tre pikëshin e shënuar në Gjirokastër ku kanë pësuar golin e barazimit në fundin e krejt takimit.
Ndërsa në Tiranë Partizani kapitullon në minutën e fundit. Golshënuesi më i mirë i kampionatit Arbëri ka shënuar golin e çmuar për Tomorrin e Beratit duke e barazuar me Tiranën në krye të renditjes. Shkumbini i Peqinit ka barazuar me meritë ndaj Teutës së Durrësit, fituese e Kupës së Shqipërisë.
Renditja në krye dy ekipe me pikë të barabarta. Tirana dhe Tomorri 49, Teuta 46, Vllaznia 37, Lushnja, Shkumbini 35, Bylis 34, Shqiponja 33, 3 ekipe me pikë të barabarta 31, Dinamo, Skënderbeu, Apolonia, Flamurtari me 27 pikë, Elbasani 26 dhe mbyll renditjen Partizani me 24 pikë./tvklan.al