Stërvitja e FNSH – (3 Qershor 2000)
Arkiva Lajme – Tv Klan 2000
Këto janë momentet kur Forcat e ndërhyrjes së Shpejtë të Ministrisë së Rendit asgjesojnë grupet terroriste. Në stërvitjen e sotme 100 efektivët e këtij reparti kanë improvizuar skenat e depërtimit në banesa ku kriminelët mbajnë peng banorët. Në këto aksione janë përdorur qitje reale.
Efektivat e repartit 711 të FNSH kanë demostruar gjithashtu ushtrime në brezin e kalitjes prej 17 elementësh dhe ngjitjen në një lartësi prej 20 metrash. Sipas ligjit këto forca përdoren kur policia lokale nuk ka arritur të shuaj vatrat e konfliktit. Që të bësh pjesë në përbërje të ketyre trupave duhet të plotësosh parametrat fizike dhe të jesh nën moshën 30-vjeç.
Këto trupa janë përdorur në aksionet e ruajtjes së rendit, gjatë mitingjeve të demokratëve në Korçë e Vlorë./tvklan.al
Gazetar – Vladimir Lame