Spektakli Lezhë me rastin e fitores së Beslidhjes – (4 Qershor 2000)
Arkiva Lajme – Tv Klan 2000
Hyrja në kategorinë e parë e skuadrës Beslidhja e Lezhës ka ringjallur tek të gjithë futbollistët dhe sportdashësit shpresat për të tjera fitore. Me këtë rast presidenti i Beslidhjes Nikoll Lesi, njëkohësisht dhe deputeti i pavarur i Lezhës, organizoi spektaklin me të ftuar artist nga i gjithë vendi.
Për të nderuar lojën e futbollistëve dhe për ti sjellë një kënaqësi më shumë qytetit të Lezhës, aktiviteti me këngëtar dhe humorist është zhvilluar në shesh, ku mijëra qytetarë lezhian dhe të ardhur nga zonat përreth për 2 orë e 30 minuta kanë ndjekur kocertin e këngëtarëve të muzikës së lehtë dhe asaj popullore të ndërthurur me humorin Shkodran dhe atë të Agron Llakaj.
Në lojën finale Beslidhja mundi Besën e Kavajës, në stadiumin “Qemal Stafa”, duke e rikthyer pas pesë vjetësh Beslidhjen në futboll si një nga skuadrat më të mira të vendit. Në këtë rast banorët kanë fituar kategorinë por edhe mbrëmjen argëtuese./tvklan.al
Gazetare – Holta Zhiti