Presidenti Meidani dekoron Sport Klub Tiranën – (4 Qershor 2000)
Arkiva Lajme – Tv Klan 2000
80 vjetori i sport klub Tiranës ka mbledhur sot në kompleksin e pishinave në Tiranë, sportistë, artistë, përfaqësues të shtetit, si dhe miq e dashamirës të sportit shqiptar. 24 orë pas përurimit, kompleksi i pishinave ka përjetuar festën e sportit tiranas. Mes këngës dhe valles, presidenti i republikës ka dekoruar sport klub Tiranën me titullin e lartë “Mjeshtëri i Madh i Punës”.
Presidenti Rexhep Meidani:- “Arrita të jem i pranishëm këtu midis jush për të dekoruar klubin sportiv Tirana, me një nga urdhërat më të lartë, me urdhërin “Mjeshtëri i Madh i Punës”.
Të shumtë ishin të ftuarit e sotëm dhe midis tyre nuk munguan as humoristët shkodranë. Mes duartrokitjeve që t’i dhuron vetëm arti dhe sporti ka kaluar mbrëmja e sotme, e cila është shoqëruar herë pas here dhe me rrëfime nga miqtë e vjetër të sportit./tvklan.al
Gazetare – Mimoza Picari