Saharaja ‘pushton’ Amerikën


Saharaja ‘pushton’ Amerikën

14:59 26/06/2020

Autoritetet: Situata është serioze, duhet të mbani maskë

Një masë e madhe rëre sahariane ka pushtuar një pjesë të madhe të shteteve tropikale në Shtetet e Bashkuara të Amerikës. Ishujt Karaibe, Kuba, Venezuela, brigjet e Puerto Rikos dhe deri në Meksikë e Majami janë disa nga rajonet e goditura prej valës sahariane.

Autoritetet iu kanë bërë thirrje njerëzve që të evitojnë lëvizjet si dhe të mbajnë maskë në fytyrë, e cila është e detyrueshme edhe për shkak të koronavirusit .

Sipas meterologëve rëra sahariane ka sjellë edhe temperatura shumë të larta dhe pritet që të zgjasë për disa ditë me radhë.

Ministria e Shëndetësisë ka bërë apel që personat mbi 65 vjeç si dhe fëmijët nën 4 vjeç duhet që të qëndrojnë në shtëpi pasi mund të kenë bllokim të frymëmarrjes , acarim të fytit dhe irritim lëkure dhe të syve.

Sipas ekspertëve kjo rërë sahariane konsiderohet nga më seriozet ndër 50 vitet e fundit pasi ndryshe nga herët e kaluara ajri është shumë i thatë dhe i përzier me shumë pluhur.

Rëra sahariane vjen në një kohë mjaft të vështirë si pasojë edhe pandemisë së Covid-19, një gjë kjo që rrit edhe shkallën e vdekshmërisë.

Klan Plus






Të ngjashme