• Shpërndaje

Është sjellë sot përsëri me masa të forta sigurie nga Elbasani në Gjykatën e Faktit Tiranë Nehat Kulla, por procesi është shtyrë pasi dhe sot i pandehuri ka qenë i pranishëm pa avokat. Din Oleli është avokati që ka zgjedhur Kulla, por i pandehuri pretendon se nuk është lënë të komunikojë në qelitë e Elbasanit as me familjarët dhe as me avokatin.

Pretendimet e të pandehurit Kulla se tre vëllezërit e tij janë ndaluar të hyjnë në sallën e gjyqit, oficeri i shoqërimit është përgjigjur në sallë se familjarët janë lejuar që të hyjnë dhe të jenë pjesmarrës në seancë. Procesi sot ka filluar nga e para pasi dy nga gjyqtarët e trupit gjykues janë ndërruar. Përveç Ardian Kalisë që është shkarkuar nga KLD-ja dhe gjyqtari Sinani ka dhënë dorëheqjen nga gjykimi për arsye shëndetësore./tvklan.al