Instalimi i numrave të rinj të telefonit në Berat – (27 Korrik 2000)
Lajme Arkiva – Tv Klan 2000
Brenda vitit në qytetin e Beratit do të instalohet një tjetër central telefonik, që do të mundësojë pajisjen me telefona të 6 mijë abonentëve. Instalimi i numrave të telefonit do të fillojë në Gusht dhe do të përfundojë brenda pesë muajve. Përveç gjashtë mijë numrave të rinj me anë të aparaturave digjitale, do të bëhet zëvendësimi i centralit të vjetër për të shmangur shqetësimet e shumta në linjën e qytetarëve dhe ankesat për humbjen e impulseve.
Pas Beratit edhe qytete të tjera të prefekturës si Poliçani, Ura Vajgurore dhe Kuçova, do të pajisen me centrale të reja telefonike./tvklan.al