Forumi Rinor i PD: Të ndryshohet data e zgjedhjeve – (30 Korrik 2000)
Lajme Arkiva – Tv Klan 2000
Forumi Rinor i Partisë Demokratike, ka protestuar sot ndaj caktimit të datës së zgjedhjeve më 1 Tetor, pasi përjashtohen nga votimi rreth 30 mijë studentë në Tiranë, Shkodër, Elbasan, Korçë, Gjirokastër e Vlorë. Sipas kryetarit të këtij forumi Nikolin Gjoka, studentët në këtë ditë nuk ndodhen në qendrat e banimit por nuk janë akomoduar dhe as regjistruar në Qytetin Studenti.
Ky akt i Presidentit Mejdani, tha ai, është pjesë e përpjekjeve për të manipuluar procesin zgjedhor dhe për të lënë jashtë mundësisë për të votuar sa më shumë kontingjente zgjedhësish, të cilët janë votë kundër PS.
Forumi Rinor i PD, i kërkon Mejdanit të ndryshojë datën e zgjedhjeve për të mos paragjykuar kështu votën e studentëve, që këto dhjetë vitet e fundit kanë qenë brezi më me shumë vullnet ndryshimi./tvklan.al
Gazetare – Ornela Bego