Publikohet audio-regjistrimi i mbajtur sekret, çfarë thotë motra për Donald Trump
Një audio-regjistrim që përfshin Donald Trump është publikuar nga Washington Post dhe Daily Mail.
Në këtë audio dëgjohet që flet motra e Presidentit amerikan, 83-vjeçarja Maryanne Trump Barry, e cila e përshkruan vëllain e saj si “mizor” lidhur me politikat që ka ndjekur për imigracionin.
83-vjeçarja i ka bërë komentet gjatë bisedës me mbesën e saj Mary Trump, e cila nuk ishte në dijeni që po regjistrohej në fshehtësi. Deklaratat që ajo bën për të vëllain Donald zbulojnë një mungesë besimi tek Presidenti brenda familjes së tij.
Maryanne Trump Barry ka treguar se dikur vëllai i saj Donald Trump kishte paguar një mik për t’i bërë provimet që të hynte më pas në kolegj. Në bisedën me mbesën, 83-vjeçarja e konsideron vëllain si njeri pa princime dhe që gënjen vazhdimisht.
Audio-regjistrimi i këtyre bisedave u publikua një ditë pasi Presidenti amerikan Donald Trump përcolli për në banesën e fundit vëllain e ndjerë Robert. Maryanne Trump Barry nuk ishte në homazhet që u kryen në Shtëpinë e Bardhë.
Asnjë nga vëllezërit dhe motrat e Presidentit Donald Trump nuk e kanë kritikuar publikisht vëllain e tyre apo politikat që ai ndjek në krye të Shtëpisë së Bardhë. /tvklan.al