• Shpërndaje

Emisioni “Opinion Plus”, në Tv Klan solli mbrëmjen e sotme intervistën me ish-Presidentin e Republikës, Rexhep Meidani.

Diskutimi u përqëndrua në disa aspekte që lidhen me fushatën zgjedhore, problemet e së majtës, por edhe në atë që ndodh me politikën shqiptare në raport me integrimin e vendit.

“Kjo stërzgjatje për të arritur në një marrëveshje nuk ishte shumë e këndshme për politikën shqiptare në mënyrë të veçantë, nuk ishte e këndshme për Shqipërinë dhe në përgjithësi për shqiptarët kudo që jetojnë. Ishte një sforcim. Nuk mund të vendosësh pikën mbi një i sepse ka shumë i. Nga ana tjetër dhe gjithë ky proces negociues që krijoi shqetësime jo vetëm brenda Shqipërisë, në marrëdhëniet e thjeshta të qytetarëve, por krijoi shqetësime në mënyrë të veçantë në komunitetin ndërkombëtar, në një kohë që duhet të rrezatonim tolerancë, shpirt kompromisi edhe normalitet në jetën tonë politike. Kjo gjë ishte e pakëndshme, por unë isha i bindur që këto zgjedhje qoftë edhe në një zhvendosje kohore do bëheshin patjetër”./tvklan.al