James Rodriguez firmos për Everton
Trajneri Ancelotti e ka stërvitur edhe më parë
James Rodriguez duket se e ka gjetur ekipin e ri. Mesfushori kolumbian do t’i bashkohet Carlo Ancelottit tek Everton. Trajneri italian e ka patur lojtar te Real Madrid dhe Bayern Munchen.
James Rodriguez pritet që të kryejë kontrollet mjekësore që këtë javë sipas mediave britanike, dhe flitet se do të firmosë një marrëveshje 3-vjeçare. Futbollisti nuk është paraqitur në stërvitjen e Real Madrid, një shenjë që vendimi është marrë.
Madrilenët nga ana tjetër nuk duan ta humbasin me parametër zero James Rodriguez, pasi kontrata e tij skadon në fund të Qershorit të vitit të ardhshëm. Drejtuesit e Real pretendojnë të përfitojnë më shumë se 20 milionë Euro nga kjo lëvizje.
Tv Klan