PD refuzon ftesën e Metës për takimin me Berishën – (22 Shtator 2000)
Lajme Arkiva – TV Klan 2000
Partia Demokratike ka refuzuar ftesën e kryeministrit Meta për kryetarin Berisha për një takim në selinë e qeverisë. Demokratët kanë ofruar idenë e debatit televiziv Berisha-Meta, lidhur me parregullsitë në listat e votuesve.
Edi Paloka:- “Ftesa e zotit Meta, të gjithë ata që kanë një logjikë normale e kuptojnë se sa absurde është, të ulet Ilir Meta me Sali Berishën dhe të rregullojë listat, në zyrën e Ilir Metës. Megjithatë, zoti Berisha, i cili është në fushatë dhe tre ditë nuk do kthehet në Tiranë dhe zoti Ilir Meta e ka ditur shumë mirë këtë kur ka bërë ftesën, është i gatshëm që të përballet publikisht me zotin Meta dhe e fton Metën, që ai nga Korça nëpërmjet një stacioni televiziv dhe Ilir Meta këtu të përballen lidhur me problemin e listave të votimit. Zoti Berisha do i paraqesë faktet e tij dhe Ilir Meta le të mbrohet bashkë me Jovani Portën po deshi”.
Ndërkohë zëdhënësi i PD Edi Paloka ka paraqitur një dokument që provon blerjen me prokurim të drejtpërdrejt me vlerën 66 milion të një autoveture, tip Benz blindato, nga fondet e këshillit të ministrave./tvklan.al
Gazetar – Vladimir Lame