Arrestohet çifti shqiptar në Greqi, do të trafikonte kanabis në Turqi
Një çift shqiptar është arrestuar në Greqi nga policia, pasi tentoi të trafikonte një sasi lënde narkotike drejt Turqisë.
Burrë e grua me origjinë shqiptare u kapën në zonën e Evros duke udhëtuar me makinë. Bashkë me ta ishte edhe fëmija i mitur i çiftit, të cilët e kishin marrë me vete për të mos ngjallur dyshime se në makinë kishin fshehur edhe drogë.
Por policia greke kishte informacion për këtë rast, duke bërë ndalimin e automjetit të shqiptarëve. Brenda makinës u gjetën dhe sekuestruan 31.5 kg kanabis të papërpunuar, që do të transportohej drejt Turqisë. Lënda narkotike ishte fshehur në pjesë të ndryshme të makinës.
Droga u sekuestrua, ndërsa dy shqiptarët u arrestuan për akuzën e trafikut të drogës. Prokurori i çështjes pritet të vendosë edhe për fatin e fëmijës së mitur të çiftit. /tvklan.al