Aksident në Elbasan, përplasen dy autobusë me punëtorë – (7 Tetor 2000)
Lajme Arkiva – TV Klan 2000
Një aksident i rëndë automobilistik ka ndodhur sot në orët e para të mëngjesit, në rrugë që lidh Metalurgjikun me Elbasanin. Dy autobusë, që transportonin punëtorët, njëri i firmës Kurum International dhe tjetri i firmës italiane të ferrokromit Darfo, janë përplasur rreth orës 7 të mëngjesit të ditës së sotme.
Nga përplasja janë shtruar në spital 5 të plagosur, si edhe 17 të tjerëve u është dhënë ndihma e parë. Në të dy autobusët ndodheshin mbi 50 punëtorë. Ende nuk dihen shkaqet e këtij aksidenti që mund të sillte pasoja për jetën tek punëtorët./tvklan.al