Hapet panairi “Konsumator 2000” – (18 Tetor 2000)
Lajme Arkiva – TV Klan 2000
Është hapur sot në Tiranë në Qendrën Kombëtare të Panaireve, për të gjashtin vit radhazi panairi “Konsumator Vjeshtë 2000”. Firmat e zgjedhura nga seleksionimi i pjesëmarrësve në panairin tradicional, agro-ushqimor, si dhe firma të tjera që veprojnë në Shqipëri, për nevojat e konsumatorëve, kanë paraqitur në stendat e panairit, produktet e tyre.
Në ceremoninë e çeljes së panairit, merrte pjesë edhe Presidenti Rexhep Mejdani, si dhe zëvendës kryeministrja Makbule Çeço. Gjatë ditëve të panairit, kompanitë pjesëmarrëse, shtetërore dhe private do të paraqesin aktivitetin e tyre nëpërmjet stendave, duke realizuar edhe aktivitete të tjera si konferenca dhe tryeza, të rrumbullakëta./tvklan.al