Fëmijët që studiojnë në shkollat publike dhe vështirësitë që hasin ato (24 Tetor 2000)
Këta fëmijë çdo ditë përshkojnë këtë rrugë për të shkuar në shkollë. Vetëm të lidhur përdore dhe pas një vëzhgimi të gjatë, zgjedhin momentin për të kaluar rrugën. Frikë nga makinat dhe lodhje nga ajo që mbajnë mbi shpinë. Më të vegjlit ngrihen më herët, mësojnë më shumë dhe ju duhet të përballojnë ngarkesë edhe tek çanta. Çanta peshon mbi 6 kilogramë, ndërsa vetë ky fëmijë gjithsej ka 30 kilogramë.
Në program sot u duhet të përgatiten në gjuhë,lexim,matematikë, dituri natyre dhe në çantë përveç këtyre librave kanë dhe fletore të shumta. Pa përmendur dhe ushiqmin në orën e pushimit. Nxënësit ankohen që çanta e shkollës u rëndon shumë në shpinë. Në këto klasa duket se është zgjidhur problemi i ngrohjes, por vështirësia mbetet tek numri i nxënësve./tvklan.al
Gazetare: Holta Zhiti