Breshëri armësh drejt kompleksit luksoz në Maminas
Një breshëri armësh është dëgjuar pak minuta më parë në Maminas. Sipas Policisë është qëlluar në drejtim të derës së jashtme të një kompleksi luksoz, në pronësi të L.Z.
Fatmirësisht mësohet se ka vetëm dëme materiale dhe nuk është dëmtuar asnjë person. Lidhur me këtë ngjarje në komisariat janë shoqëruar disa persona si të dyshuar.
“Më datë 10.10.2020, rreth orës 04:05, në autostradën Tiranë-Durrës, në Maminas, është qëlluar me armë zjarri në drejtim të derës së jashtme të një objekti, në pronësi të shtetasit L.Z, duke shkaktuar vetëm dëme materiale.
Në ambientet e Policisë Durrës janë shoqëruar disa shtetas të dyshuar për këtë ngjarje”, njofton Policia./tvklan.al