Robin Krasniqi shpallet kampion bote
33-vjeçari nga Juniku arrin kulmin në karrierën e tij
Robin Krasniqi arriti suksesin më të madh në karrierën e tij, duke u shpallur kampion bote për peshat gjysmë të rënda në federatat IBO dhe WBA. 33-vjeçari i lindur në Junik, por që garon me flamurin gjerman, mposhti pas 3 raundesh me nock out Dominic Boesel.
Krasniqi i cili e nisi duelin si sfidant e meritoi fitoren, që është e para për një boksier me prejardhje shqiptar. E djathta e tij shembi 2 herë në tapet rivalin në ringun e GETEC Arena në Magdeburg.
Në fund Robin Krasniqi festoi me flamurin shqiptar, të cilin ia dhanë mbështetësit që ndodheshin aty. Kjo është sfida e 51 që Krasniqi fiton në ringun profesionist në 57 duele të karrierës 15-vjeçare.
Tv Klan