• Shpërndaje

Lajme Arkiva – TV Klan 2000

Monumenti i Skënderbeut i veshur dhe rrethuar me skela, tre muaj më parë, do të arrijë të zbulohet më 28 Nëntor, në ditën e flamurit. Qendra e realizimit të veprave të artit është duke i dhënë dorën e fundit lyerjes dhe patinimit, gjithë monumentit të heroit tonë kombëtar. Sipas nënkryetarit të bashkisë, Artan Lame, puna mbi këtë vepër zgjati, pasi mbi të nuk u bë thjesht pastrim, por u zëvendësuan vida hekuri që mbanin monumentin.

Artan Lame:- “Pas disa vjetësh, kjo do të kërkojë një ndërhyrje më të thellë restauruese, sepse bëhet fjalë për lëvizje të terrenit, të cilat japin tensione të larta mbi blloqet e gurëve, sa që krijojnë edhe plasaritje”.

Ky monument është ngritur në vitin 1967, nga dora e tre autorëve shqiptarë dhe që nga ajo kohë, nuk është parë asnjëherë ndërhyrje./tvklan.al

Gazetare – Holta Zhiti