Policia e Tiranës arreston dy persona në kërkim – (19 Janar 2001)
Lajme Arkiva – TV Klan 2001
Forcat e policisë kriminale të komisariatit nr.3, kanë kapur dhe më pas kanë arrestuar dy shtetas banues në Tiranë. Emilent Zepa dhe Altin Shkreli në bashkëpunim me njëri-tjetrin, kanë vjedhur 11 dyqane dhe butik, gjatë muajit Dhjetor e Janar të këtij viti. 23-vjeçari Zepa është dënuar dy herë për vjedhje me armë dhe rrëmbim personi, ndërsa 26-vjeçari Shkreli është dënuar për vjedhje dhe përdorim droge.
Gjatë kontrollit, në momentin e kapjes shtetasit Zepa, iu gjend dhe iu sekuestrua, pistoleta tip TT, me të cilën kryente grabitjet, si dhe janë sekuestruar sendet e vjedhura. Materialet tashmë i kanë kaluar Prokurorisë./tvklan.al
Gazetare – Holta Zhiti