Policia e Tiranës arreston dy hajdutë – (26 Janar 2001)
Lajme Arkiva – TV Klan 2001
Komisariati numër dy i policisë së Tiranës, ka arrestuar sot 25 vjeçarin Klodian Vebi Marea, lindur dhe banues në Mamurras, i dënuar më parë për vjedhje, si edhe Nik Selman Kola, po i lindur dhe banues në Mamurras. Të dy 25 vjeçarët, akuzohen si autorë të vjedhjes së 13 banesave me shqyerje, si dhe për disa vjedhje të tjera në qytetet Tiranë, Lezhë, Durrës, Fier e Kavajë.
Gjatë kontrollit të policisë në banesë, të dy të akuzuarve iu gjetën dhe iu sekuestruan në cilësinë e provës materiale të tilla si kompjutera, kamera, aparate fotografik, radio Motorola, orë tavolinash, varse floriri, si edhe 50 qese me pluhur, ku mendohet se është lëndë narkotike./tvklan.al