Përmbytje në jug të vendit, lumi i Vjosës del nga shtrati – (30 Janar 2001)
Lajme Arkiva – TV Klan 2001
Jugu i vendit ditët e fundit është përfshirë nga reshje të shumta. Lumi i Vjosës ka dalë nga shtrati, si rrjedhojë e këtyre shirave. Mungesa e kanalizimeve gjatë rrugëve automobilistike, ka bërë që trafiku i mjeteve të bëhet i vështirë në segmente të caktuara. Nga ujërat e shumta janë mbuluar sipërfaqe të tëra toke. Gjendja kritike është paraqitur edhe në Virua të Gjirokastrës. Reshjet kanë bërë që lumi Drinos të dalë nga shtrati dhe nëse reshjet do të vazhdojnë me këto ritme, segmenti i rrugës në Virua të Gjirokastrës do të bëhet i pakalueshëm për mjetet./tvklan.al
Gazetare – Ornela Bego