Uzuni shënon pas 1 minute
Realizojnë me ekipet e tyre edhe Kaçe e Balaj
Myrto Uzunit i mjaftoi 1 minutë në fushën e lojës për të shënuar gol për Ferencavors në kampionat. Sulmuesi shqiptar spikati edhe një herë me ekipin e tij që fitoi 3 – 1 Diosgyor.
Uzuni, i cili u aktivizua si zëvendësues realizoi golin që vulosi suksesin që e thellon diferencën e Ferencvaros me ndjekësit. Kjo ishte hera e dytë që Myrto Uzuni shënon në kampionat. Edhe Ergys Kaçe la shenjë në kampionatin grek. Mesfushori shqiptar realizoi pak pasi hyri në fushë për Aris. Ndeshja me Atromitos u mbyll në barazim 2 – 2.
Ky është goli i parë sezonal për Kaçen, i cili e nis gjithmonë takimin nga stoli. Nga stoli e nisi edhe Bekim Balaj, por me golin e tij Sturm Graz fitoi 4 – 0 në fushën e Austria Wein. Për Balajn është ndeshja e dytë radhazi që shënon në kampionatin austriak. Sturm Graz me këtë fitore qëndron pranë kreut.
Tv Klan