Shkatërrohet selia e PS në Shkodër, ndërhyn FNSH
Protestë për vrasjen e Klodian Rashës
Edhe protesta që nisi paqësisht paraditen e kësaj të shtune në qytetin e Shkodrës ka përshkallëzuar në akte dhune. Pjesëmarrësit në këtë tubim hodhën gurë e sende të forta drejt zyrave të Partisë Socialiste për Shkodrën duke thyer fillimisht xhamat.
Më pas, disa adoleshentë u futën brenda në godinë, nxorën jashtë objekte që ndodheshin në të dhe u vunë flakën.
Dhunës nuk i kanë shpëtuar as tabelat e reklamave në rrugë, të cilat u dogjën nga tubuesit.
Për të shpërndarë protestuesit ndërhynë Forcat e Ndërhyrjen së Shpejtë, që hodhën gaz lotsjellës dhe krijuan barrikadë përpara hyrjes së godinës.
Protestuesit kanë kërkuar largimin e Kryeministrit Edi Rama dhe Drejtorit të Policisë së Shtetit Ardi Veliu./tvklan.al
