Vdes në moshën 73-vjeçare ish-trajneri i Liverpool
Ish-trajneri i Liverpool, Gerard Houllier ka ndërruar jetë sot në moshën 73- vjeçare. Francezi drejtoi të kuqtë nga 1998 deri në 2004.
Liverpool nën drejtimin e tij arriti që të fitonte 5 trofe përfshirë Kupën FA, Kupën e Ligës dhe Kupën UEFA.
Para Liverpoolit, Houllier drejtoi skuadra si Lens, PSG dhe ekipin kombëtar të Francës. Ai ka drejtuar dhe skuadra të tjera pas Liverpool dhe karrierën e mbylli me Aston Villa në vitin 2011.
Në një deklaratë për media, ekipi anglez shprehu ngushëllimet për humbjen e trajnerit të tyre.
Po ashtu dhe Aston Villa i është bashkuar dhimbjes për ndarjen nga jeta të Houllier. /tvklan.al