Çfarë pritet të ndodhë të hënën në “Love Story”
Një mbrëmje dinamike dhe plot surpriza na pret këtë të hënë, teksa dy konkurrente të tjera pritet të eliminohen në natën e gjashtë të spektaklit “Love Story” në TV Klan.
Dy të eliminuarat për puntatën e shkuar ishin Kejda dhe Drita, ndërkohë që Albana vendosi të largohej me dëshirë pasi pa afrimitet mes Saimirit dhe motrës së saj binjake, Silvanës.
Ndërkohë, tre vajza të reja, Generda, Valentina dhe Redona, u bënë pjesë e garës për të rrëmbyer zemrën e Saimirit.
Kësaj here Saimiri kishte zgjedhur sërish për një takim të gjatë një nga motrat binjake, Silvanën.
Ata u takuan në vilën e 33-vjeçarit, ku ndryshe nga takimet e para, kësaj here nuk kanë munguar puthjet në buzë, prekjet dhe takimet nëpër cepat e shtëpisë, për t’ju shmangur kamerave të produksionit.
Silvana dhe Saimiri folën pak për udhëtimet, një element që u pëlqen të dyve, por shumicën e kohës dyshja e kaloi mes përqafimeve, çokollatave, verës dhe puthjeve.
Padyshim kjo ishte ngjarja e javës pasi u komentua gjatë nga publiku, opinionistët e spektaklit dhe vajzat e kastit.
Duke i’u referuar debateve dhe tensioneve me vajzat pas deklaratave të saj, Enxhëll kishte vendosur të largohej nga emisioni dhe për këtë kishte përgatitur një videomesazh për Saimirin.
Protagonisti i kësaj romance live theksoi se kjo gjë i duket absurde dhe e takoi Enxhëllin për ta bindur të qëndrojë.
Ashtu si javën e shkuar, Saimiri nuk ka dhënë detaje për takimin në grup, duke e lënë surprizë për të hënën.
Ai gjithashtu do të ketë edhe dy takime private, nga ku do të zbulojmë nëse ‘princi’ i këtij spektakli ka filluar të ndjejë pak më shumë për ndonjë vajzë në veçanti.
Çfarë ka ndodhur me vajzat dhe Saimirin në takimin e kësaj jave? Kë ka zgjedhur ai për takimet e shkurtra? Cilat konkurrente ka zgjedhur ai për takimet e gjata? Cilat do të jenë dy të eliminuarat për javën e gjashtë? A do të kemi ndonjë vajzë të re në konkurrim?
Këto dhe përgjigjet e shumë pyetjeve të tjera do t’i zbuloni këtë të hënë, në Love Story, në orën 20:15 në TV Klan./tvklan.al