Superliga, Vllaznia vijon kryesimin
Barazim në Kukësi-Tirana, Partizani kthehet tek fitorja
Ka përfunduar në barazim pa gola ndeshja më e rëndësishme e javës së 10 të Superligës. Në Elbasan arena, Kukësi dhe Tirana morën nga një pikë. Loja ka qenë e kujdesshme nga të dy skuadrat në pjesën e parë duke pritur më së shumti nëse kundërshtari do të gabonte.
Në të dytën pasi studiuan lojën e njëri tjetrit të dy trajnerët dhanë porosi për rritje të ritmit. Ishte Kukësi që goditi traversën por vetëm kaq ndërsa Tirana i shkoi mjaft pranë fitores por topi i Muçit vetëm sa kaloi pranë portës në të gjithë gjatësinë e saj.
Pas këtij takimi Vllaznia vazhdon të jetë në krye të renditjes. Shkodranët fituan me rezultatin e ngushtë 1–0 takimin në fushën e Apolonisë.
Edhe Partizani u rikthye te suksesi duke mundur me 2-0 Kastriotin në stadiumin “Selman Stërmasi”.
Golat u realizuan në minutat e fundit. Teuta u afrua mori një tjetër fitore të rëndësishme, 3 – 1 me Skënderbeun në Korçë. Ndërsa Laçi mundi me rezultatin 2–0 Bylisin.
Tv Klan