E kërcënon me armë dhe i merr makinën, kur policia i shkoi në shtëpi…
Një 40-vjeçar u arrestua nga policia e Krujës, pasi kanosi me armë një person dhe i mori këtij të fundit edhe makinën… Burime zyrtare të policisë thonë se në pranga ra 40-vjeçari me iniciale B. Ç., banues në fshatin Arrameras të Fushë Krujës, i dënuar më parë për veprën penale “Kanosja”.
Gjatë ditë së mërkurë, ky person dyshohet se kanosi me armë zjarri për motive të dobëta 41-vjeçarin V. B., të cilit më pas i vodhi makinën.
Kur policia shkoi në shtëpinë e 40-vjeçarit përveçse gjeti makinën që kishte vjedhur, zbuloi edhe se ai po ndërtonte një objekt në pronën e tij, pa lejen e organeve kompetente./tvklan.al