Lajme Arkiva – TV Klan 2001
Sot në mesnatë nga forcat e komisariatit të policisë së Kukësit, u bë arrestimi në flagrancë i shtetasve Gëzim Skënder Bilali 19 vjeç, Bledar Luftar Halili 22 vjeç, Krenar Kujtim Braha 18 vjeç dhe Sami Brahim Hoxha 20 vjeç. Arrestimi i tyre u bë për arsye, se dje rreth orës 19:30 në aksin rrugor Peshkopi-Kukës, në afërsi të fshatit Bicaj, këta persona të armatosur dhe me maskë, kanë tentuar për të vjedhur me armë tre automjete, me pasagjerë shqiptarë maqedonas.
Menjëherë pas marrjes së informacionit, forcat e komisariatit të policisë së Kukësit kanë shkuar në vendngjarje dhe brenda një ore kanë bërë të mundur identifikimin dhe kapjen e autorëve. Në vendngjarje janë bllokuar gjithashtu dhe mjetet me të cilat është kryer krimi. Nga ana e policisë është bërë dokumentimi i plotë i ngjarjes dhe dokumentet i kanë kaluar prokurorisë./tvklan.al