“Nga mace je bërë tigër”, Saimiri tregon çfarë e ka surprizuar tek Flavia
Ka startuar mes emocionesh e surprizash edhe nata e 11-të e spektaklit Love Story në TV Klan, ku sonte pritet të eliminohet një tjetër konkurrente.
Protagonisti i kësaj romance live, kësaj here kishte rezervuar sërish një takim me Flavian.
Dyshja kanë folur për marrëdhënien mes tyre, teksa Saimiri ka vënë në dukje se ka ndryshuar mendimin që kishte më parë për bukuroshen nga Fieri.
Flavia: Më në fund! Mezi po e prisja!
Saimiri: O mace e vogël! Sot kemi takim jo aq zbavitës që të luajmë. Pse je bërë kaq e bukur sot me këtë kapelen?
Flavia: Epo më kishe parë gjithë kohës ndryshe ti mua, thashë të ndryshoj…
Saimiri: Të shkon shumë! U kënaqe kur të thanë për takimin?
Flavia: Nuk e prisja fare dhe po gëzoja aq shumë. I zgjova të gjithë nga gjumi!
Saimiri: O macja ime e vogël!
Flavia: Maçoku im i madh!
Saimiri: Të ftova sot në një takim më serioz, më romantik, meqë atje në kuzhinë atë mishin me tartuf e kishe bërë shumë të mirë. Nuk e prisja, mendoja Flavia me vezë të ziera…
Flavia: Faktikisht unë gatuaj shumë mirë, edhe në shtëpi gatuaj.
Saimiri: Ma ke ndryshuar shumë mendimin në këto takimet që kemi pasur dhe më vjen mirë sepse ndonjëherë ti mendon diçka tjetër, por kur e njeh personin më nga afër është komplet tjetër. Sa më shumë kohë që kaloj me ty që të njoh, aq më i ngrohtë bëhet takimi. Natën e parë, po të më pyeste dikush se cila nga vajzat do jetë deri në fund, nuk e kam menduar kurrë për ty.
Flavia: Jeta është shumë e bukur, njëkohësisht edhe shumë e shkurtër, që të kalosh duke menduar skema në kokën tënde për t’i pëlqyer të tjerëve. Jam gati për dashurinë e jetës, por më duhet pak kohë që ta njoh personin.
Saimiri: Nga macja e vogël, nga të gjitha këto takime që kemi pasur je bërë tigër. Ke pasur ndonjë moment që ke thënë “mos ta kisha bërë këtë hap”?
Flavia: Ka pasur momente që jam ndjerë keq, kur shihja gocat që i kishe ftuar për herë të dytë në takim./tvklan.al