Festa e Abetares për nxënësit e shkollës “Kosova” – (25 Prill 2001)
Lajme Arkiva – TV Klan 2001
Kjo është shkolla “Kosova”, një nga institucionet më shembullore të arsimit fillor në kryeqytet. Por me shumë mund dhe sakrifica, nxënësit e saj arritën të mbarojnë lëndën e Abetares, këtu në ambientet e shkollës së mesme artistike “Jordan Misja”, pasi shkolla e tyre ka dy vjet që qëndron e mbyllur.
Nxënësit e tre klasave të para, të drejtuar nga mësueset e tyre, me anë të këngëve dhe recitimeve zhvilluan festën e Abetares. Gjithashtu për këta nxënës u shpërndanë certifikatat. Tashmë ata do të fillojnë një libër të ri, atë të Leximit. Drejtuesit e kësaj shkolle kishin ftuar edhe zonjën e parë Lidra Mejdani dhe ish-zonjën e parë Liri Berisha, të cilat munguan në këtë festë të shënuar të fëmijëve./tvklan.al