Klubi Partizani nis punimet për zgjerimin e ambienteve të tij – (27 Prill 2001)
Lajme Arkiva – TV Klan 2001
Deri tani janë shpenzuar mbi 600 milion lekë, për rregullimin e plotë të hotelit, zyrave, sallave dhe ambienteve të brendshme të klubit Partizani, të cilat janë vënë në dispozicion të futbollistëve dhe punonjësve të këtij klubi, i cili përveç të tjerave synon rikthimin në kategorinë e parë.
Tashmë kanë filluar punimet për sistemimin e tre fushave me përmasa të mëdha, si edhe të një fushe me përmasa 60×40. Gjithashtu po rrethohet gjithë hapësira e klubit, me mur mbi tre metra të lartë. Që të gjitha këto punime të cilat do i ndërrojnë pamjen 100% klubit të Partizanit, parashikohen sipas drejtuesve të përfundojnë në muajin Shtator, muaj ky që përkon dhe me fillimin e sezonit të ri sportiv./tvklan.al