• Shpërndaje

Dy familje në Pogradec kanë mbetur në qiell të hapur, ato janë nxjerrë nga banesa që kanë jetuar prej 40 vitesh. Në vitin 1975 godina u ndërtua nga sistemi komunist i asaj kohe, ata në vitet 1990 tentuan ta privatizonin, por shteti nuk ua mundësoi.

Kanë tentuar por aktualisht ju kanë thëne që prona është e dikujt tjetër. Enti i banesave Korçe i ka nxjerrë jashtë.

Ata vinë në studion e “Historia ime” në Tv Klan së bashku me dokumentacionin përkatës të rrëfejnë historinë e tyre.

Mirela Milori: Kur keni dalë nga shtëpia?

Flori Menkshi: Në 14 Qershor në 2018.

Mirela Milori: Tani ku jetoni juve?

Flori Menkshi: Jetojmë rrugëve, unë nja 2 vite jetova tek vjehrra,  ajo nuk kishte vend, nuk na mbante dot dhe ika unë.

Enver Ademi: Kurse unë fjeta një behar jashtë, lulishteve, unë isha me diabet, tension, mora një reumatizëm dhe tani një herë shkoj tek motra.

Mirela Milori: Jeni të martuar, keni familje?

Flori Menkshi: Unë jam veti i katërt.

Mirela Milori: Po ku jeton tani?

Flori Menkshi: Ku të mund. (Fillon dhe qan).

Mirela Milori: Sa vjeç i ke fëmijët?

Flori Menkshi: Djalin e kam 30, vajza 25. Vajza është e martuar, kurse djalin e kam invalid dhe merr 100 mijë Lekë.

Enver Ademi: Edhe unë jam invalid.

Mirela Milori: Po ju jeni i martuar?

Enver Ademi: Kam qenë.

Ademi tregon se ka dhe fëmijë jashtë Shqipërisë, por dy vajzat kanë burra dhe i vjen zor ti kërkojë, e ndihmojnë aq sa kanë mundësi, ndërsa një djalë që ka në Greqi ka marrë shtëpi me kredi, një herë punon, një herë jo dhe nuk ka asnjë mundësi.

Mirela Milori: Pension keni?

Enver Ademi: Kempin e invalitetit. Çfarë të bëj më parë, të marr ilaçet që më shkojnë 100 mijë Lekë në muaj se unë kam diabet, tension, tension në sy dhe reumatizëm.

Mirela Milori: Ku jeton tani, nga çfarë banese ke ardhur këtu në Tiranë?

Enver Ademi: Sot isha tek motra në Devoll.

Të dy tregojnë se taksat vijnë nga shtëpia ku kanë jetuar dikur që janë të detyruar t’i paguajnë edhe pse i kanë përzënë nga ty prej shumë vitesh. /tvklan.al