“Zeqir Ymeri” inagurohet më 15 Tetor
Drejt fundit punimet në stadiumin e Kukësit
Në Kukës po përgatiten për festë. Stadiumi “Zeqir Ymeri” do të inagurohet më 15 Tetor. Njoftimin e jep vetë klubi verior në rrjetet sociale.
Impianti që ka kushtuar rreth 5 milionë Euro është drejt përfundimmit. Punimet vazhdojnë ende dhe në pak ditë do të jetë gati të shtrohet tapeti nga artificial në bar natyral.
Ndërtuesit kanë mundur të gjejnë edhe rërën që do të jetë poshtë barit e cila duhet të kishte karakteristike filtruese, për të favoruizuar drenazhimin sa më të shpejtë.
Sipas klubit është zgjedhur cilësia më e mirë për t’iu përshtatur kushteve atmosferike të qytetit verior që ka shumë lagështirë dhe ngrica.
3 ditë më parë ka nisur instalimi i stolave. Stadiumi i ri do të ketë një kapacitet afërsisht për 8 mijë shikues.
Inaugurimi do të jetë në mes të Tetorit, pritet të mbahet një ndeshje miqësore, testuese dhe më pas Kukësi do të mund të zhvillojë ndeshjen e parë në stadiumin e ri në fund të këtij muaji me gjasë kundër Vllaznisë më 23 Tetor.
Tv Klan