Lewandowski do kontratë të re, i skadon në 2023 kontrata me Bayern Munich
Lewandowski kërkon rishikim page, City e Guardioles në pritje
Polonia do luajë një ndeshje vendimtare ndaj kombëtares sonë në ‘Air Albania’ më 12 Tetor me dy kombëtaret që janë në lojë për vendin e dytë në grupin kualifikues të Botërorit të Katarit 2022. Interesi është i lartë, ndërsa sulmuesi Robert Levandovski mbetet pika e referimit për polakët.
Levandovski mendon edhe për karrierën, me kontratën e polakut me Bajern Mynih që skadon në vitin Qershor 2023. Sipas gazetës gjermane “Bild’, Levandovski ka vullnet të madh për të vijuar karrierën në Bavari. Sulmuesi kërkon që kontrata e re të zgjasë edhe për dy vite, deri më 2025 gjithmonë nëse kushtet financiare janë të njëjta.
Ai kërkon të qëndrojë në “Allianz Arena’ deri në moshën 37-vjeçare, edhe pse interesi për të nuk ka munguar. Pep Guardiola e dëshiron te Mançester Siti, teksa Bajern po mendon edhe pasuesin e tij.
Sigurisht në krye të listës qëndron sulmuesi norvegjez i Borusia Dortmund, Erling Hwland. Në rast se diçka e tillë zyrtarizohet do ishte një tjetër rrëmbim i bavarezëve në kampin e verdhezinjve, pasi në periudha të ndryshme kanë firmosur me futbollistë si Humels, Gwtze apo dhe vetë Levandovskin, i cili në karrierë ka fituar gjithçka, përveçse çmimit më të dëshiruar individual, Topin e Artë.
Klan News