Seedorf, trajner i ardhshëm i Milan
Clarence Seedorf do të jetë trajneri i ardhshëm i Milan. Lajmi është bërë i ditur nga mediat italiane, të cilat shprehen tejet të sigurta duke thënë se hollandezi është takuar me Silvio Berlusconi para disa ditësh në Romë. Clarence Seedorf mendohet se do të zëvendësojë Massimiliano Allegrin. Milan po kalon një situatë të vështirë, pasi ndodhet në vendin e 10-të në Serinë A. Ndërkohë Christian Abbiati do të vazhdojë të jetë portier i Milan. Sipas “La Gazzetta dello Sport”, 36 vjeçari do të firmosë një tjetër kontratë edhe për sezonin e ardhshëm. Abbiati është afruar te Milan në vitin 1998, ndërsa është huazuar nga viti 2005 deri në 2008 kur titullar ishte Dida.